काठमाडौँ । मलेसियामा जारी अभ्यास खेलमा घरेलु टोली मलेसियाले नेपाललाई २३३ रनको लक्ष्य दिएको छ । एसिसी प्रिमियर कप क्रिकेट प्रतियोगिताको तयारीमा रहेको नेपालविरुद्ध टस जितेर पहिले ब्याटिङ गरेको मलेसियाले ४८.२ ओभरमा सबै विकेट गुमाउँदै २३२ रन बनाएको हो ।
मलेसियाका लागि मुहम्मद स्याहादात रामलीले सर्वाधिक ६१ रनको योगदान दिए । सैफुल्लाह मलिकले ४५, साइद अजिजले ४० तथा विरानदीप सिंहले ३९ रन बनाए ।
नेपालका लागि कप्तान सन्दीप लामिछानेले उत्कृष्ट बलिङ गर्दै चार विकेट लिए । करण केसीले दुई तथा ललित राजवंशी र दीपेन्द्रसिंह ऐरीले समान एक–एक विकेट हात पारे ।
२३३ रनको लक्ष्य पछ्याउँदै नेपाल अहिले जवाफी ब्याटिङमा उत्रिएको छ ।
९ भदौ २०८३, मङ्गलबार ०१:३९ मा प्रकाशित
